Srī Vārāhī Dvādaśanāma Stōtram

hayagrīva uvāca |

śr̥ṇu dvādaśanāmāni tasyā dēvyā ghaṭōdbhava | yadākarṇanamātrēṇa prasannā sā bhaviṣyati || 1 ||

pañcamī daṇḍanāthā ca saṅkētā samayēśvarī | tathā samayasaṅkētā vārāhī pōtriṇī śivā || 2 ||

vārtālī ca mahāsēnāpyājñā cakrēśvarī tathā | arighnī cēti samprōktaṁ nāmadvādaśakaṁ munē || 3 ||

nāmadvādaśakābhikhya vajrapañjara madhyagaḥ | saṅkaṭē duḥkhamāpnōti na kadācana mānavaḥ || 4 ||

ētairnāmabhirabhrasthāḥ saṅkētāṁ bahu tuṣṭuvuḥ | tēṣāmanugrahārthāya pracacāla ca sā punaḥ || 5 ||

iti śrībrahmāṇḍapurāṇē lalitōpākhyānē saptadaśōdhyāyē śrī vārāhī dvādaśanāma stōtram |