Anjaneya Bhujanga Stotram

Prasannāṅgarāgaṁ prabhākān̄canāṅgaṁ jagadbhītaśauryaṁ tuṣārādridhairyam | tr̥ṇībhūtahētiṁ raṇōdyadvibhūtiṁ bhajē vāyuputraṁ pavitrāptamitram || 1 ||

Bhajē pāvanaṁ bhāvanā nityavāsaṁ bhajē bālabhānu prabhā cārubhāsam | bhajē candrikā kunda mandāra hāsaṁ bhajē santataṁ rāmabhūpāla dāsam || 2 ||

Bhajē lakṣmaṇaprāṇarakṣātidakṣaṁ bhajē tōṣitānēka gīrvāṇapakṣam | bhajē ghōra saṅgrāma sīmāhatākṣaṁ bhajē rāmanāmāti samprāptarakṣam || 3 ||

Kr̥tābhīlanādhakṣitakṣiptapādaṁ ghanakrānta bhr̥ṅgaṁ kaṭisthōru jaṅgham | viyadvyāptakēśaṁ bhujāślēṣitāśmaṁ jayaśrī samētaṁ bhajē rāmadūtam || 4 ||

caladvālaghātaṁ bhramaccakravāḷaṁ kaṭhōrāṭṭahāsaṁ prabhinnābjajāṇḍam | mahāsinhanādā dviśīrṇatrilōkaṁ bhajē cān̄janēyaṁ prabhuṁ vajrakāyam || 5 ||

Raṇē bhīṣaṇē mēghanādē sanādē sarōṣē samārōpaṇāmitra mukhyē | khagānāṁ ghanānāṁ surāṇāṁ ca mārgē naṭantaṁ samantaṁ hanūmantamīḍē || 6 ||

ghanadratna jambhāri dambhōḷi bhāraṁ ghanaddanta nirdhūta kālōgradantam | padāghāta bhītābdhi bhūtādivāsaṁ raṇakṣōṇidakṣaṁ bhajē piṅgaḷākṣam || 7 ||

mahāgrāhapīḍāṁ mahōtpātapīḍāṁ mahārōgapīḍāṁ mahātīvrapīḍām | haratyastu tē pādapadmānuraktō namastē kapiśrēṣṭha rāmapriyāya || 8 ||

Jarābhāratō bhūri pīḍāṁ śarīrē nirādhāraṇārūḍha gāḍha pratāpī | bhavatpādabhaktiṁ bhavadbhaktiraktiṁ kuru śrīhanūmatprabhō mē dayāḷō || 9 ||

mahāyōginō brahmarudrādayō vā na jānanti tattvaṁ nijaṁ rāghavasya | kathaṁ jñāyatē mādr̥śē nityamēva prasīda prabhō vānarēndrō namastē || 10 ||

namastē mahāsattvavāhāya tubhyaṁ namastē mahāvajradēhāya tubhyam | namastē parībhūta sūryāya tubhyaṁ namastē kr̥tāmartya kāryāya tubhyam || 11 ||

Namastē sadā brahmacaryāya tubhyaṁ namastē sadā vāyuputrāya tubhyam | namastē sadā piṅgaḷākṣāya tubhyaṁ namastē sadā rāmabhaktāya tubhyam || 12 ||

hanūmadbhujaṅgaprayātaṁ prabhātē pradōṣēఽpi vā cārdharātrēఽpi martyaḥ | paṭhannaśnatōఽpi pramuktōghajālō sadā sarvadā rāmabhaktiṁ prayāti || 13 ||

iti śrīmadān̄janēya bhujaṅgaprayāta stōtram |