Chandrasekhara Ashtakam – శ్రీ చంద్రశేఖరాష్టకం

Candraśēkhara candraśēkhara candraśēkhara pāhi mām | candraśēkhara candraśēkhara candraśēkhara rakṣa mām || 1 ||

Ratnasānuśarāsanaṁ rajatādriśr̥ṅganikētanaṁ śin̄jinīkr̥tapannagēśvaramacyutānalasāyakam | kṣipradagdhapuratrayaṁ tridivālayairabhivanditaṁ candraśēkharamāśrayē mama kiṁ kariṣyati vai yamaḥ || 2 ||

Pan̄capādapapuṣpagandhapadāmbujadvayaśōbhitaṁ phālalōcanajātapāvaka dagdhamanmathavigraham | bhasmadigdhakaḷēbaraṁ bhavanāśanaṁ bhavamavyayaṁ candraśēkharamāśrayē mama kiṁ kariṣyati vai yamaḥ || 3 ||

Mattavāraṇamukhyacarmakr̥tōttarīya manōharaṁ paṅkajāsana padmalōcana pūjitāṅghri sarōruham | dēvasindhutaraṅgaśīkara siktaśubhrajaṭādharaṁ candraśēkharamāśrayē mama kiṁ kariṣyati vai yamaḥ || 4 ||

Yakṣarājasakhaṁ bhagākṣaharaṁ bhujaṅgavibhūṣaṇaṁ śailarājasutāpariṣkr̥ta cāruvāmakaḷēbaram | kṣvēḍanīlagaḷaṁ paraśvathadhāriṇaṁ mr̥gadhāriṇaṁ candraśēkharamāśrayē mama kiṁ kariṣyati vai yamaḥ || 5 ||

Kuṇḍalīkr̥takuṇḍalēśvarakuṇḍalaṁ vr̥ṣavāhanaṁ nāradādimunīśvarastutavaibhavaṁ bhuvanēśvaram | andhakāntakamāśritāmarapādapaṁ śamanāntakaṁ candraśēkharamāśrayē mama kiṁ kariṣyati vai yamaḥ || 6 ||

Bhēṣajaṁ bhavarōgiṇāmakhilāpadāmapahāriṇaṁ dakṣayajñavināśanaṁ triguṇātmakaṁ trivilōcanam | bhuktimuktiphalapradaṁ sakalāghasaṅghanibar'haṇaṁ candraśēkharamāśrayē mama kiṁ kariṣyati vai yamaḥ || 7 ||

Bhaktavatsalamarcitaṁ nidhimakṣayaṁ haridambaraṁ sarvabhūtapatiṁ parātparamapramēyamanuttamam | sōmavāruṇa bhūhutāśana sōmapānikhilākr̥tiṁ candraśēkharamāśrayē mama kiṁ kariṣyati vai yamaḥ || 8 ||

Viśvasr̥ṣṭividhāyinaṁ punarēva pālanatatparaṁ sanharantamapiprapan̄camaśēṣalōkanivāsinam | krīḍayantamaharniśaṁ gaṇanāthayūthasamanvitaṁ candraśēkharamāśrayē mama kiṁ kariṣyati vai yamaḥ || 9 ||

Mr̥tyubhītamr̥kaṇḍusūnukr̥tastavaṁ śivasannidhau yatra kutra ca yaḥ paṭhēnna hi tasya mr̥tyubhayaṁ bhavēt | pūrṇamāyurarōgatāmakhilārthasampadamādaraṁ candraśēkhara ēva tasya dadāti muktimayatnataḥ || 10 ||

[ adhikaślōkaṁ – sansārasarpaduṣṭānāṁ jantūnāmavivēkinām | candraśēkharapādābjasmaraṇaṁ paramauṣadham || ]

iti mārkaṇḍēya kr̥ta śrīcandraśēkharāṣṭakam |