Gurvashtakam (Guru Ashtakam)

Śarīraṁ surūpaṁ tathā vā kaḷatraṁ yaśaścāru citraṁ dhanaṁ mērutulyam | manaścēnna lagnaṁ gurōraṅghripadmē tataḥ kiṁ tataḥ kiṁ tataḥ kiṁ tataḥ kim || 1 ||

kaḷatraṁ dhanaṁ putrapautrādi sarvaṁ gr̥haṁ bāndhavāḥ sarvamētad'dhi jātam | manaścēnna lagnaṁ gurōraṅghripadmē tataḥ kiṁ tataḥ kiṁ tataḥ kiṁ tataḥ kim || 2 ||

Ṣaḍaṅgādivēdō mukhē śāstravidyā kavitvādi gadyaṁ supadyaṁ karōti | manaścēnna lagnaṁ gurōraṅghripadmē tataḥ kiṁ tataḥ kiṁ tataḥ kiṁ tataḥ kim || 3 ||

vidēśēṣu mān'yaḥ svadēśēṣu dhan'yaḥ sadācāravr̥ttēṣu mattō na cān'yaḥ | manaścēnna lagnaṁ gurōraṅghripadmē tataḥ kiṁ tataḥ kiṁ tataḥ kiṁ tataḥ kim || 4 ||

kṣamāmaṇḍalē bhūpabhūpālabr̥ndaiḥ sadā sēvitaṁ yasya pādāravindam | manaścēnna lagnaṁ gurōraṅghripadmē tataḥ kiṁ tataḥ kiṁ tataḥ kiṁ tataḥ kim || 5 ||

Yaśō mē gataṁ dikṣu dānapratāpā- jjagadvastu sarvaṁ karē yatprasādāt | manaścēnna lagnaṁ gurōraṅghripadmē tataḥ kiṁ tataḥ kiṁ tataḥ kiṁ tataḥ kim || 6 ||

na bhōgē na yōgē na vā vājirājau na kāntāmukhē naiva vittēṣu cittam | manaścēnna lagnaṁ gurōraṅghripadmē tataḥ kiṁ tataḥ kiṁ tataḥ kiṁ tataḥ kim || 7 ||

Araṇyē na vā svasya gēhē na kāryē na dēhē manō vartatē mē tvanarghyē | manaścēnna lagnaṁ gurōraṅghripadmē tataḥ kiṁ tataḥ kiṁ tataḥ kiṁ tataḥ kim || 8 ||

gurōraṣṭakaṁ yaḥ paṭhētpuṇyadēhī yatirbhūpatirbrahmacārī ca gēhī | labhēdvān̄chitārthaṁ padaṁ brahmasan̄jñaṁ gurōruktavākyē manō yasya lagnam ||

iti gurvaṣṭakaṁ sampūrṇaṁ |