Śivaṣaḍakṣara stōtram

Ōṁ gauri nāthāya vidmahē sadā śivāya dhīmahi tannō śiva pracōdayāt | ōṁ śivōttamāya vidmahē mahōttamāya dhīmahi tannō śiva pracōdayāt | ōṁ tanmahēśāya vidmahē vāgviśud'dhāya dhīmahi tannō śiva pracōdayāt |

Ōṅkāraṁ bindusanyuktaṁ nityaṁ dhyāyanti yōginaḥ | kāmadaṁ mōkṣadaṁ caiva ōṅkārāya namō namaḥ ||1||

namanti r̥ṣayō dēvā namantyapsarasāṁ gaṇāḥ | narā namanti dēvēśaṁ nakārāya namō namaḥ ||2||

mahādēvaṁ mahātmānaṁ mahādhyāna parāyaṇam | mahāpāpaharaṁ dēvaṁ makārāya namō namaḥ ||3||

Śivaṁ śāntaṁ jagannāthaṁ lōkānugrahakārakam | śivamēkapadaṁ nityaṁ śikārāya namō namaḥ ||4||

Vāhanaṁ vr̥ṣabhō yasya vāsukiḥ kaṇṭhabhūṣaṇam | vāmē śaktidharaṁ dēvaṁ vakārāya namō namaḥ ||5||

yatra yatra sthitō dēvaḥ sarvavyāpī mahēśvaraḥ | yō guruḥ sarvadēvānāṁ yakārāya namō namaḥ ||6||

Ṣaḍakṣaramidaṁ stōtraṁ yaḥ paṭhēcchivasannidhau | śivalōkamavāpnōti śivēna saha mōdatē ||7||

iti śrīrudrayāmalē umāmahēśvarasanvādē śivaṣaḍakṣarastōtraṁ sampūrṇam ||