Śrīmallikārjunasuprabhātaṁ

Prātas'smarāmi gaṇanāthamanāthabandhuṁ sindūrapūrapariśōbhitagaṇḍayugmaṁ. Uddaṇḍavighnaparikhaṇḍanacaṇḍadaṇḍa- mākhaṇḍalādisuranāyakavr̥ndavandyaṁ.. 1..

Kalābhyāṁ cūḍālaṅkr̥taśaśikalābhyāṁ nijatapaḥ phalābhyāṁ bhaktēṣu prakaṭitaphalābhyāṁ bhavatu mē. Śivābhyāmāstīkatribhuvanaśivābhyāṁ hr̥di puna- rbhavābhyāmānandasphuradanubhavābhyāṁ natiriyaṁ.. 2..

Namastē namastē mahādēva! Śambhō! Namastē namastē dayāpūrṇasindhō! Namastē namastē prapannātmabandhō! Namastē namastē namastē mahēśa.. 3..

Śaśvacchrīgirimūrdhani trijagatāṁ rakṣākr̥tau lakṣitāṁ sākṣādakṣatasatkaṭākṣasaraṇiśrīmatsudhāvarṣiṇīṁ. Sōmārdhāṅkitamastakāṁ praṇamatāṁ nis'sīmasampatpradāṁ suślōkāṁ bhramarāmbikāṁ smitamukhīṁ śambhōs'sakhīṁ tvāṁ stumaḥ.. 4..

Mātaḥ! Prasīda, sadayā bhava, bhavyaśīlē! Līlālavākulitadaityakulāpahārē! Śrīcakrarājanilayē! Śrutigītakīrtē! Śrīśailanāthadayitē! Tava suprabhātaṁ.. 5..

Śambhō! Surēndranuta! Śaṅkara! Śūlapāṇē! Candrāvatansa! Śiva! Śarva! Pinākapāṇē! Gaṅgādhara! Kratupatē! Garuḍadhvajāpta! Śrīmallikārjuna vibhō! Tava suprabhātaṁ.. 6..

Viśvēśa! Viśvajanasēvita! Viśvamūrtē! Viśvambhara! Tripurabhēdana! Viśvayōnē! Phālākṣa! Bhavyaguṇa! Bhōgivibhūṣaṇēśa! Śrīmallikārjuna vibhō! Tava suprabhātaṁ.. 7..

Kalyāṇarūpa! Karuṇākara! Kālakaṇṭha! Kalpadrumaprasavapūjita! Kāmadāyin! Durnītidaityadalanōdyata! Dēva dēva! Śrīmallikārjuna vibhō! Tava suprabhātaṁ.. 8..

Gaurīmanōhara! Gaṇēśvarasēvitāṅghrē! Gandharvayakṣasurakinnaragītakīrtē! Gaṇḍāvalambiphaṇikuṇḍalamaṇḍitāsya! Śrīmallikārjuna vibhō! Tava suprabhātaṁ.. 9..

Nāgēndrabhūṣaṇa! Nirīhita! Nirvikāra! Nirmāya! Niścala! Nirargala! Nāgabhēdin. Nārāyaṇīpriya! Natēṣṭada! Nirmalātman! Śrīparvatādhipa! Vibhō! Tava suprabhātaṁ.. 10..

Sr̥ṣṭaṁ tvayaiva jagadētadaśēṣamīśa! Rakṣāvidhiśca vidhigōcara! Tāvakīnaḥ. Sanhāraśaktirapi śaṅkara! Kiṅkarī tē śrīśailaśēkhara vibhō! Tava suprabhātaṁ.. 11..

Ēkastvamēva bahudhā bhava! Bhāsi lōkē niśśaṅkadhīrvr̥ṣabhakētana! Mallinātha! Śrībhrāmarīpraya! Sukhāśraya! Lōkanātha! Śrīśailaśēkhara vibhō! Tava suprabhātaṁ.. 12..

Pātālagāṅgajalamajjananirmalāṅgāḥ bhasmatripuṇḍrasamalaṅkr̥taphālabhāgāḥ. Gāyanti dēvamunibhaktajanā bhavantaṁ śrīmallikārjuna vibhō! Tava suprabhātaṁ.. 13..

Sārasvatāmbuyutabhōgavatīśritāyāḥ brahmēśaviṣṇugiricumbitakr̥ṣṇavēṇyāḥ. Sōpānamārgamadhiruhya bhajanti bhaktāḥ śrīmallikārjuna vibhō! Tava suprabhātaṁ.. 14..

Śrīmallikārjunamahēśvarasuprabhāta- stōtraṁ paṭhanti bhuvi yē manujāḥ prabhātē. Tē sarva saukhyamanubhūya parānavāpyaṁ śrīśāmbhavaṁ padamavāpya mudaṁ labhantē.. 15..

Iti śrīmallikārjunasuprabhātaṁ sampūrṇaṁ.