Dhyānaṁ

Dhyāyēnnityaṁ mahēśaṁ rajatagirinibhaṁ cārucandrāvatansaṁ ratnākalpōjjvalāṅgaṁ paraśumr̥gavarābhītihastaṁ prasannaṁ Padmāsīnaṁ samantātstutamamaragaṇairvyāghrakr̥ttiṁ vasānaṁ viśvādyaṁ viśvabījaṁ nikhilabhayaharaṁ pan̄cavaktraṁ trinētraṁ

Atha stōtraṁ

Paśupatīndupatiṁ dharaṇīpatiṁ bhujagalōkapatiṁ ca satīpatiṁ Praṇatabhaktajanārtiharaṁ paraṁ bhajata rē manujā girijāpatiṁ ||1||

Na janakō jananī na ca sōdarō na tanayō na ca bhūribalaṁ kulaṁ Avati kōఽpi na kālavaśaṁ gataṁ bhajata rē manujā girijāpatiṁ ||2||

Murajaḍiṇḍimavādyavilakṣaṇaṁ madhurapan̄camanādaviśāradaṁ. Pramathabhūtagaṇairapi sēvitaṁ bhajata rē manujā girijāpatiṁ ||3||

Śaraṇadaṁ sukhadaṁ śaraṇānvitaṁ śiva śivēti śivēti nataṁ nr̥ṇāṁ Abhayadaṁ karuṇāvaruṇālayaṁ bhajata rē manujā girijāpatiṁ ||4||

Naraśirōracitaṁ maṇikuṇḍalaṁ bhujagahāramudaṁ vr̥ṣabhadhvajaṁ Citirajōdhavalīkr̥tavigrahaṁ bhajata rē manujā girijāpatiṁ ||5||

Makhavināśakaraṁ śaśiśēkharaṁ satatamadhvarabhājiphalapradaṁ Pralayadagdhasurāsuramānavaṁ bhajata rē manujā girijāpatiṁ ||6||

Madamapāsya ciraṁ hr̥di sansthitaṁ maraṇajanmajarābhayapīḍitaṁ Jagadudīkṣya samīpabhayākulaṁ bhajata rē manujā girijāpatiṁ ||7||

Hariviran̄cisurādhipapūjitaṁ yamajanēśadhanēśanamaskr̥taṁ Trinayanaṁ bhuvanatritayādhipaṁ bhajata rē manujā girijāpatiṁ ||8||

Paśupatēridamaṣṭakamadbhutaṁ viracitaṁ pr̥thivīpatisūriṇā Paṭhati sanśr̥ṇutē manujaḥ sadā śivapurīṁ vasatē labhatē mudaṁ ||9||

Iti śrīpaśupatyaṣṭakaṁ sampūrṇaṁ