śrī ahōbala nr̥siṁha stōtram

lakṣmīkaṭākṣasarasīruharājahaṁsaṁ pakṣīndraśailabhavanaṁ bhavanāśamīśaṁ | gōkṣīrasāra ghanasārapaṭīravarṇaṁ vandē kr̥pānidhimahōbalanārasiṁham || 1 ||

ādyantaśūnyamajamavyayamapramēyaṁ ādityacandraśikhilōcanamādidēvaṁ | abjāmukhābjamadalōlupamattabhr̥ṅgaṁ vandē kr̥pānidhimahōbalanārasiṁham || 2 ||

kōṭīrakōṭighaṭitōjjvalakāntikāntaṁ kēyūrahāramaṇikuṇḍalamaṇḍitāṅgaṁ | cūḍāgrarañjitasudhākarapūrṇabimbaṁ vandē kr̥pānidhimahōbalanārasiṁham || 3 ||

varāhavāmananr̥siṁhasubhāgyamīśaṁ krīḍāvilōlahr̥dayaṁ vibudhēndravandyaṁ | haṁsātmakaṁ paramahaṁsamanōvihāraṁ vandē kr̥pānidhimahōbalanārasiṁham || 4 ||

mandākinījananahētupadāravindaṁ br̥ndārakālayavinōdanamujjvalāṅgaṁ | mandārapuṣpatulasīracitāṅghripadmaṁ vandē kr̥pānidhimahōbalanārasiṁham || 5 ||

tāruṇyakr̥ṣṇatulasīdaladhāmaramyaṁ dhātrīramābhiramaṇaṁ mahanīyarūpaṁ | mantrādhirājamathadānavamānabhr̥ṅgaṁ vandē kr̥pānidhimahōbalanārasiṁham || 6 ||

iti ahōbala nr̥siṁha stōtam ||