Sri Anjaneya Mangala Ashtakam

Gaurīśivavāyuvarāya an̄janikēsarisutāya ca | agnipan̄cakajātāya ān̄janēyāya maṅgaḷam || 1 ||

vaiśākhēmāsi kr̥ṣṇāyāṁ daśamyāṁ mandavāsarē | pūrvābhādraprabhūtāya ān̄janēyāya maṅgaḷam || 2 ||

Pan̄cānanāya bhīmāya kālanēmiharāya ca | kauṇḍin'yagōtrajātāya ān̄janēyāya maṅgaḷam || 3 ||

suvarcalākaḷatrāya caturbhujadharāya ca | uṣṭrārūḍhāya vīrāya ān̄janēyāya maṅgaḷam || 4 ||

divyamaṅgaḷadēhāya pītāmbaradharāya ca | taptakān̄canavarṇāya ān̄janēyāya maṅgaḷam || 5 ||

Karuṇārasapūrṇāya phalāpūpapriyāya ca | māṇikyahārakaṇṭhāya ān̄janēyāya maṅgaḷam || 6 ||

bhaktarakṣaṇaśīlāya jānakīśōkahāriṇē | sr̥ṣṭikāraṇabhūtāya ān̄janēyāya maṅgaḷam || 7 ||

rambhāvanavihārāya gandhamādanavāsinē | sarvalōkaikanāthāya ān̄janēyāya maṅgaḷam || 8 ||

śrī ān̄janēya maṅgaḷāṣṭakaṁ sampūrṇam ||