Posted on June 23, 2020

Sri Gananayaka Ashtakam

ēkadantaṃ mahākāyaṃ taptakāñcanasannibham| lambōdaraṃ viśālākṣaṃ vandē'haṃ gaṇanāyakam||1||

mauñjīkṛṣṇājinadharaṃ nāgayajñōpavītinam| bālēnduśakalaṃ maulau vandē'haṃ gaṇanāyakam||2||

citraratna-vicitrāṅga-citramālāvibhūṣitam| kāmarūpadharaṃ dēvaṃ vandē'haṃ gaṇanāyakam||3||

mūṣakōttamam āruhya dēvāsuramahāhavē| yōddhukāmaṃ mahāvīryaṃ vandē'haṃ gaṇanāyakam||4||

gajavaktraṃ suraśrēṣṭhaṃ karṇacāmarabhūṣitam| pāśāṅkuśadharaṃ dēvaṃ vandē'haṃ gaṇanāyakam||5||

yakṣakinnara-gandharva-siddha-vidyādharaiḥ sadā| stūyamānaṃ mahābāhuṃ vandē'haṃ gaṇanāyakam||6||

ambikāhṛdayānandaṃ mātṛbhiḥ parivēṣṭitam| bhaktapriyaṃ madōnmattaṃ vandē'haṃ gaṇanāyakam||7||

sarvavighnaharaṃ dēvaṃ sarvavighnavivarjitam| sarvasiddhipradātāraṃ vandē'haṃ gaṇanāyakam||8||

gaṇāṣṭakamidaṃ puṇyaṃ yaḥ paṭhēt satataṃ naraḥ| sid‌dhyanti sarvakāryāṇi vidyāvān dhanavān bhavēt||