Sri Ganapathi Mangalashtakam

Gajānanāya gāṅgēyasahajāya sadātmanē | gaurīpriyatanūjāya gaṇēśāyāstu maṅgaḷam || 1 ||

nāgayajñōpavītāya natavighnavināśinē | nandyādigaṇanāthāya nāyakāyāstu maṅgaḷam || 2 ||

Ibhavaktrāya cēndrādivanditāya cidātmanē | īśānaprēmapātrāya cēṣṭadāyāstu maṅgaḷam || 3 ||

sumukhāya suśuṇḍāgrōkṣiptāmr̥taghaṭāya ca | surabr̥ndaniṣēvyāya sukhadāyāstu maṅgaḷam || 4 ||

caturbhujāya candrārdhavilasanmastakāya ca | caraṇāvanatānartha tāraṇāyāstu maṅgaḷam || 5 ||

Vakratuṇḍāya vaṭavē vandyāya varadāya ca | virūpākṣasutāyāstu vighnanāśāya maṅgaḷam || 6 ||

pramōdāmōdarūpāya sid'dhivijñānarūpiṇē | prakr̥ṣṭapāpanāśāya phaladāyāstu maṅgaḷam || 7 ||

Maṅgaḷaṁ gaṇanāthāya maṅgaḷaṁ harasūnavē | maṅgaḷaṁ vighnarājāya vighnahartrēstu maṅgaḷam || 8 ||

ślōkāṣṭakamidaṁ puṇyaṁ maṅgaḷapradamādarāt | paṭhitavyaṁ prayatnēna sarvavighnanivr̥ttayē || 9 ||

iti śrī gaṇapati maṅgaḷāṣṭakam ||