Sri Srinivasa Stuti

namō dēvādhidēvāya vēṅkaṭēśāya śārṅgiṇē | nārāyaṇādrivāsāya śrīnivāsāya tē namaḥ || 1 ||

namaḥ kalmaṣanāśāya vāsudēvāya viṣṇavē | śēṣācalanivāsāya śrīnivāsāya tē namaḥ || 2 ||

namastrailōkyanāthāya viśvarūpāya sākṣiṇē | śivabrahmādivandyāya śrīnivāsāya tē namaḥ || 3 ||

namaḥ kamalanētrāya kṣīrābdhiśayanāya tē | duṣṭarākṣasasaṁhartrē śrīnivāsāya tē namaḥ || 4 ||

bhaktapriyāya dēvāya dēvānāṁ patayē namaḥ | praṇatārtivināśāya śrīnivāsāya tē namaḥ || 5 ||

yōgināṁ patayē nityaṁ vēdavēdyāya viṣṇavē | bhaktānāṁ pāpasaṁhartrē śrīnivāsāya tē namaḥ || 6 ||

iti śrīskāndapurāṇē vēṅkaṭācalamāhātmyē trayōviṁśō:’dhyāyē padmanābhākhyadvija kr̥ta śrīnivāsa stutiḥ |