Sri Surya Kavacham

yājñavalkya uvāca |

śr̥ṇuṣva muniśārdūla sūryasya kavacaṁ śubham | śarīrārōgyadaṁ divyaṁ sarvasaubhāgyadāyakam || 1 ||

dēdīpyamānamukuṭaṁ sphuranmakarakuṇḍalam | dhyātvā sahasrakiraṇaṁ stōtramētadudīrayēt || 2 ||

śirō mē bhāskaraḥ pātu lalāṭaṁ mē:’mitadyutiḥ | nētrē dinamaṇiḥ pātu śravaṇē vāsarēśvaraḥ || 3 ||

ghrāṇaṁ gharmaghr̥ṇiḥ pātu vadanaṁ vēdavāhanaḥ | jihvāṁ mē mānadaḥ pātu kaṇṭhaṁ mē suravanditaḥ || 4 ||

skandau prabhākaraḥ pātu vakṣaḥ pātu janapriyaḥ | pātu pādau dvādaśātmā sarvāṅgaṁ sakalēśvaraḥ || 5 ||

sūryarakṣātmakaṁ stōtram likhitvā bhūrjapatrakē | dadāti yaḥ karē tasya vaśagāḥ sarvasiddhayaḥ || 6 ||

susnātō yō japētsamyagyō:’dhītē svasthamānasaḥ | sa rōgamuktō dīrghāyuḥ sukhaṁ puṣṭiṁ ca vindati || 7 ||

iti śrīmadyājñavalkyamuniviracitaṁ sūryakavacastōtram sampūrṇam ||