Sri Venkatesha Ashtakam

vēṅkaṭēśō vāsudēvaḥ pradyumnō:’mitavikramaḥ | saṅkarṣaṇō:’niruddhaśca śēṣādripatirēva ca || 1 ||

janārdanaḥ padmanābhō vēṅkaṭācalavāsinaḥ | sr̥ṣṭikartā jagannāthō mādhavō bhaktavatsalaḥ || 2 ||

gōvindō gōpatiḥ kr̥ṣṇaḥ kēśavō garuḍadhvajaḥ | varāhō vāmanaścaiva nārāyaṇa adhōkṣajaḥ || 3 ||

śrīdharaḥ puṇḍarīkākṣaḥ sarvadēvastutō hariḥ | śrīnr̥siṁhō mahāsiṁhaḥ sūtrākāraḥ purātanaḥ || 4 ||

ramānāthō mahībhartā bhūdharaḥ puruṣōttamaḥ | cōlaputrapriyaḥ śāntō brahmādīnāṁ varapradaḥ || 5 ||

śrīnidhiḥ sarvabhūtānāṁ bhayakr̥dbhayanāśanaḥ | śrīrāmō rāmabhadraśca bhavabandhaikamōcakaḥ || 6 ||

bhūtāvāsō girivāsaḥ śrīnivāsaḥ śriyaḥ patiḥ | acyutānanta gōvindō viṣṇurvēṅkaṭanāyakaḥ || 7 ||

sarvadēvaikaśaraṇaṁ sarvadēvaikadaivatam | samastadēvakavacaṁ sarvadēvaśikhāmaṇiḥ || 8 ||

itīdaṁ kīrtitaṁ yasya viṣṇōramitatējasaḥ | trikālē yaḥ paṭhēnnityaṁ pāpaṁ tasya na vidyatē || 9 ||

rājadvārē paṭhēdghōrē saṅgrāmē ripusaṅkaṭē | bhūtasarpapiśācādibhayaṁ nāsti kadācana || 10 ||

aputrō labhatē putrān nirdhanō dhanavān bhavēt | rōgārtō mucyatē rōgādbaddhō mucyēta bandhanāt || 11 ||

yadyadiṣṭatamaṁ lōkē tattatprāpnōtyasaṁśayaḥ | aiśvaryaṁ rājasammānaṁ bhuktimuktiphalapradam || 12 ||

viṣṇōrlōkaikasōpānaṁ sarvaduḥkhaikanāśanam | sarvaiśvaryapradaṁ nr̥̄ṇāṁ sarvamaṅgalakārakam || 13 ||

māyāvī paramānandaṁ tyaktvā vaikuṇṭhamuttamam | svāmipuṣkariṇītīrē ramayā saha mōdatē || 14 ||

kalyāṇādbhutagātrāya kāmitārthapradāyinē | śrīmadvēṅkaṭanāthāya śrīnivāsāya tē namaḥ || 15 ||

iti śrī brahmāṇḍapurāṇē brahmanāradasaṁvādē vēṅkaṭagirimāhātmyē śrī vēṅkaṭēśa aṣṭakam |