Venkateswara vajra Kavacham

mārkaṇḍēya uvāca |

nārāyaṇaṁ parabrahma sarvakāraṇakāraṇam | prapadyē vēṅkaṭēśākhyaṁ tadēva kavacaṁ mama || 1 ||

sahasraśīrṣā puruṣō vēṅkaṭēśaśśirō:’vatu | prāṇēśaḥ prāṇanilayaḥ prāṇān rakṣatu mē hariḥ || 2 ||

ākāśarāṭsutānātha ātmānaṁ mē sadāvatu | dēvadēvōttamō pāyāddēhaṁ mē vēṅkaṭēśvaraḥ || 3 ||

sarvatra sarvakālēṣu maṅgāmbājānirīśvaraḥ | pālayēnmāṁ sadā karmasāphalyaṁ naḥ prayacchatu || 4 ||

ya ētadvajrakavacamabhēdyaṁ vēṅkaṭēśituḥ | sāyaṁ prātaḥ paṭhēnnityaṁ mr̥tyuṁ tarati nirbhayaḥ || 5 ||

iti mārkaṇḍēya kr̥ta śrī vēṅkaṭēśvara vajrakavaca stōtram |