ఆదిత్య ద్వాదశనామ స్తోత్రమ్ - Aditya dwadasa nama stotram

ఏకచక్రో రథో యస్య దివ్యః కనకభూషణః । స మే భవతు సుప్రీతః పఞ్చహస్తో దివాకరః ॥ ౧॥

ఆదిత్యః ప్రథమం నామం ద్వితీయం తు దివాకరః । తృతీయం భాస్కరః ప్రోక్తం చతుర్థం తు ప్రభాకరః ॥ ౨॥

పఞ్చమం తు సహస్రాంశుః షష్ఠం చైవ త్రిలోచనః । సప్తమం హరిదశ్వశ్చ అష్టమం తు విభావసుః ॥ ౩॥

నవమం దినకృత్ప్రోక్తం దశమం ద్వాదశాత్మకః । ఏకాదశం త్రయీమూర్తిర్ద్వాదశం సూర్య ఏవ చ ॥ ౪॥

ద్వాదశాదిత్యనామాని ప్రాతఃకాలే పఠేన్నరః । దుఃఖప్రణాశనం చైవ సర్వదుఃఖం చ నశ్యతి ॥ ౫॥

ఇతి ఆదిత్యద్వాదశనామస్తోత్రం సమాప్తమ్ ॥