త్రిదళం త్రిగుణాకారం త్రినేత్రం చ త్రియాయుధమ్ | త్రిజన్మపాపసంహారం ఏకబిల్వం శివార్పణమ్ ||

త్రిశాఖైర్బిల్వపత్రైశ్చ హ్యచ్ఛిద్రైః కోమలైః శుభైః | శివపూజాం కరిష్యామి ఏకబిల్వం శివార్పణమ్ ||

అఖండబిల్వపత్రేణ పూజితే నందికేశ్వరే | శుద్ధ్యంతి సర్వపాపేభ్యః ఏకబిల్వం శివార్పణమ్ ||

సాలగ్రామశిలామేకాం జాతు విప్రాయ యోఽర్పయేత్ | సోమయజ్ఞమహాపుణ్యం ఏకబిల్వం శివార్పణమ్ ||

దంతికోటిసహస్రాణి వాజపేయశతాని చ | కోటికన్యామహాదానాం ఏకబిల్వం శివార్పణమ్ ||

పార్వత్యాః స్వేదసంజాతం మహాదేవస్య చ ప్రియమ్ | బిల్వవృక్షం నమస్యామి ఏకబిల్వం శివార్పణమ్ ||

దర్శనం బిల్వవృక్షస్య స్పర్శనం పాపనాశనమ్ | అఘోరపాపసంహారం ఏకబిల్వం శివార్పణమ్ ||

మూలతో బ్రహ్మరూపాయ మధ్యతో విష్ణురూపిణే | అగ్రతః శివరూపాయ ఏకబిల్వం శివార్పణమ్ ||

బిల్వాష్టకమిదం పుణ్యం యః పఠేచ్ఛివసన్నిధౌ | సర్వపాపవినిర్ముక్తః శివలోకమవాప్నుయాత్ ||

ఇతి బిల్వాష్టకమ్ ||