శ్రీమహాలింగస్తుతిః

అనాదిమలసంసార రోగవైద్యాయ శంభవే .
నమశ్శివాయ శాంతాయ బ్రహ్మణే లింగమూర్తయే .. 1..

ఆదిమధ్యాంతహీనాయ స్వభావానలదీప్తయే .
నమశ్శివాయ శాంతాయ బ్రహ్మణే లింగమూర్తయే .. 2..

ప్రలయార్ణవసంస్థాయ ప్రలయోత్పత్తిహేతవే .
నమశ్శివాయ శాంతాయ బ్రహ్మణే లింగమూర్తయే .. 3..

జ్వాలామాలావృతాంగాయ జ్వలనస్తంభరూపిణే .
నమశ్శివాయ శాంతాయ బ్రహ్మణే లింగమూర్తయే .. 4..

మహాదేవాయ మహతే జ్యోతిషేఽనంతతేజసే .
నమశ్శివాయ శాంతాయ బ్రహ్మణే లింగమూర్తయే .. 5..

ప్రధానపురుషేశాయ వ్యోమరూపాయ వేధసే .
నమశ్శివాయ శాంతాయ బ్రహ్మణే లింగమూర్తయే .. 6..

నిర్వికారాయ నిత్యాయ సత్యాయామలతేజసే .
నమశ్శివాయ శాంతాయ బ్రహ్మణే లింగమూర్తయే .. 7..

వేదాంతసారరూపాయ కాలరూపాయ ధీమతే .
నమశ్శివాయ శాంతాయ బ్రహ్మణే లింగమూర్తయే .. 8..

ఇతి శ్రీకూర్మపురాణాంతర్గతం శ్రీమహాలింగస్తుతిః సమాప్తా |