శృణుధ్వం మునయస్సర్వే గోపాలస్య మహాత్మనః |
అనంతస్యాప్రమేయస్య నామద్వాదశకస్త్వవం || ౧ ||

అర్జునాయ పురా గీతం గోపాలేన మహాత్మనా |
ద్వారకాయాం ప్రార్థయతే యశోదాయాశ్చ సన్నిధౌ || ౨ ||

అస్య శ్రీ కృష్ణదివ్యద్వాదశనామస్తోత్ర మహామంత్రస్య ఫల్గున ఋషిః
అనుష్టుప్ఛందః – పరమాత్మా దేవతా – ఓం బీజం – స్వాహాయేతి శక్తిః
శ్రీ గోపాలకృష్ణప్రీత్యర్థే జపే వినియోగః || ౩ ||

జానుభ్యామపి ధావంతం బాహుభ్యామతిసుందరం |
సకుండలాలకం బాలం గోపాలం చింతయేదుషః || ౪ ||

ప్రథమం తు హరిం వంద్యాద్ద్వితీయం కేశవం తథా |
తృతీయం పద్మనాభం చ చతుర్థం వామనం తథా || ౫ ||

పంచమం వేదగర్భం తు షష్ఠం చ మధుసూదనమ్ |
సప్తమం వాసుదేవం చ వరాహం చాఽష్టమం తథా || ౬ ||

నవమం పుండరీకాక్షం దశమం తు జనార్దనమ్ |
కృష్ణమేకాదశం ప్రోక్తం ద్వాదశం శ్రీధరం తథా || ౭ ||

ఏతాద్ద్వాదశ నామాని మయా ప్రోక్తాని ఫల్గున |
కాలత్రయం పఠేద్యస్తు తస్య పుణ్యఫలం శృణు || ౮ ||

చాంద్రాయణసహస్రస్య కన్యాదానశతస్య చ |
అశ్వమేధసహస్రస్య ఫలమాప్నోతి మానవః || ౯ ||