శ్రీ మహాలక్ష్మ్యష్టకం

ఇంద్ర ఉవాచ |

నమస్తేఽస్తు మహామాయే శ్రీపీఠే సురపూజితే | శంఖచక్రగదాహస్తే మహాలక్ష్మి నమోఽస్తు తే || ౧ ||

నమస్తే గరుడారూఢే కోలాసురభయంకరి | సర్వపాపహరే దేవి మహాలక్ష్మి నమోఽస్తు తే || ౨ ||

సర్వజ్ఞే సర్వవరదే సర్వదుష్టభయంకరి | సర్వదుఃఖహరే దేవి మహాలక్ష్మి నమోఽస్తు తే || ౩ ||

సిద్ధిబుద్ధిప్రదే దేవి భుక్తిముక్తిప్రదాయిని | మంత్రమూర్తే సదా దేవి మహాలక్ష్మి నమోఽస్తు తే || ౪ ||

ఆద్యంతరహితే దేవి ఆద్యశక్తి మహేశ్వరి | యోగజే యోగసంభూతే మహాలక్ష్మి నమోఽస్తు తే || ౫ ||

స్థూలసూక్ష్మమహారౌద్రే మహాశక్తి మహోదరే | మహాపాపహరే దేవి మహాలక్ష్మి నమోఽస్తు తే || ౬ ||

పద్మాసనస్థితే దేవి పరబ్రహ్మస్వరూపిణి | పరమేశి జగన్మాతః మహాలక్ష్మి నమోఽస్తు తే || ౭ ||

శ్వేతాంబరధరే దేవి నానాలంకారభూషితే | జగత్స్థితే జగన్మాతః మహాలక్ష్మి నమోఽస్తు తే || ౮ ||

మహాలక్ష్మ్యష్టకం స్తోత్రం యః పఠేద్భక్తిమాన్నరః | సర్వసిద్ధిమవాప్నోతి రాజ్యం ప్రాప్నోతి సర్వదా || ౯ ||

ఏకకాలే పఠేన్నిత్యం మహాపాపవినాశనమ్ | ద్వికాలం యః పఠేన్నిత్యం ధనధాన్యసమన్వితః || ౧౦ ||

త్రికాలం యః పఠేన్నిత్యం మహాశత్రువినాశనమ్ | మహాలక్ష్మీర్భవేన్నిత్యం ప్రసన్నా వరదా శుభా || ౧౧ ||

ఇతి ఇంద్ర కృత శ్రీ మహాలక్ష్మ్యష్టకమ్ సంపూర్ణం ||